У Мінскай вобласці за апошнія суткі адбылося два пажары. Ад агню пацярпелі некалькі будынкаў ў Пухавіцкім і Мядзельскім раёнах. Ахвяр няма. У той жа час сітуацыя ў лясах сталічнага рэгіёна стала больш бяспечнай. Але, нягледзячы на гэта, падраздзяленні МНС нясуць службу ва ўзмоцненым рэжыме. Гатовыя прыйсці на дапамогу і добраахвотныя дружыны ратавальнікаў. Сёння сваё майстэрства яны адточвалі на палігоне пад Барысавым. Аляксей Кандраценка ўбачыў, як прайсці агонь і ваду.
У звычайным жыцці яны энергетыкі, інжынеры, вадзіцелі, менеджары. Але сёння цывільную форму змянілі на баёўкі ратавальнікаў. Добраахвотныя пажарна-выратавальныя дружыны з усіх раёнаў Мінскай вобласці адточваюць майстэрства на палігоне МНС пад Барысавым.
Стометровая паласа з перашкодамі - адзін з класічных відаў спаборніцтва. Умовы нічым не адрозніваюцца ад тых, дзе ўдзельнічаюць прафесіяналы.
23 каманды і некалькі этапаў спаборніцтваў. У пажарна-ратавальным спорце як мінімум тры кампаненты поспеху - сіла, цягавітасць, і, вядома ж, хуткасць.
Спецыялісты Міністэрства па надзвычайных сітуацыях канстатуюць - за апошні час узровень падрыхтоўкі добраахвотных дружын расце.
