Сёння на пасяджэнні сесіі Мінскага абласнога савета дэпутатаў зацвердзілі дэлегатаў Усебеларускага народнага сходу ад мясцовых cаветаў дэпутатаў цэнтральнага рэгіёна.
Было вылучана 60 чалавек - прадстаўнікі з ліку дэпутатаў мясцовых саветаў дэпутатаў абласнога, базавага і пярвічнага тэрытарыяльных узроўняў. Кандыдаты прадстаўляюць усе галіны эканомікі і сацыяльнай сферы Мінскай вобласці.
Сярод дэлегатаў дзеячы культуры і мастацтва, урачы, настаўнікі, кіраўнікі арганізацый і прадпрыемстваў. Самаму малодшаму 24 гады, а старэйшаму 64.
