Сезон зімовых актыўнасцей! У сталіцы зальюць больш за 30 хакейных каробак і 25 лядовых каткоў. Такія мабільныя арэны з'явяцца ў кожным раёне Мінска. Уладкуюць і бяспечныя горкі для катання на цюбінгах і санках. Ужо гатовы амаль 40 спускаў. Таксама для аматараў актыўнага адпачынку працуюць 14 лыжаролерных трас. Агульная працягласць - больш за 20 кіламетраў: у Вяснянцы і Чыжоўцы, у парку 900-годдзя Мінска і ў лесапарку "Мядзвежына". Дарэчы, там лыжню пракладуць упершыню.
У зімовым раскладзе і спартыўна-масавыя мерапрыемствы. Сярод дзяцей і падлеткаў пройдуць спаборніцтвы па хакеі "Залатая шайба", па біятлоне "Снежны снайпер". Запланавана таксама гарадское свята "Мінская лыжня".