Беларускі фонд міру працягвае акцыю "Наша ўвага героям вайны і працы". Сёння абноўленыя палаты для ветэранаў адкрылі ў сталічнай 3-й і Гарадской гінекалагічнай бальніцах. У палатах - новыя ложкі, тумбачкі, халадзільнікі і тэлевізары. Ёсць і неабходнае медыцынскае абсталяванне. Усё гэта набыта на сродкі, сабраныя ў рамках праекта "Дай пяць дабру".
У сталіцы ўжо абсталявана больш за 100 палат для ветэранаў. У цэлым па краіне іх з'явілася каля 500.
