Усяго вызначана больш за 230 пляцовак для гандлю ва ўсіх раёнах сталіцы. Працаваць яны будуць да 31 снежня. Цэны залежаць ад вышыні дрэва. А ўжо заўтра ля Палаца спорту разгорнецца традыцыйны кірмаш - "Калядная зорка". З 10 гадзін раніцы да 8 вечара будуць адкрыты павільёны з гарачымі стравамі. Там жа разгорнецца і самы вялікі ёлачны базар сталіцы. Сёння дзяцей пачаў прымаць і Дзед Мароз у сваім доміку ў парку Горкага. Надзея Сербіненка раскажа, дзе і як можна правесці вялікія калядныя выхадныя.
Калядныя домікі каля Палаца спорту сёлета не проста частуюць... здзіўляюць! Повары, якія працуюць у фармаце стрыт -фуд, да свят падышлі крэатыўна. У меню - бургеры з алянінай, запечаная бульба з аўтарскімі соусамі і нават вустрыцы.
Галоўны гарадскі кірмаш разгорнецца тут заўтра, 23 снежня. Каля Палаца спорту будзе працаваць і самы вялікі ёлачны базар сталіцы. З 10 гадзін раніцы да 8 вечара можна будзе набыць дрэва любога памеру і нават выбраць рэгіён, дзе яна расла. Кошт залежыць ад вышыні і пухнатасці дрэва.
Кожны ёлачны кірмаш усталёўвае свае цэны на дрэвы. На прыкладзе гэтых - 11 і 14 рублёў.
Так, ёлкі вышынёй да метра будуць каштаваць ад 10 да 20 рублёў. Двухметровыя - да 26. І дрэва да трох метраў - ад 15 да 30. Акрамя ссечаных ёлак, папулярныя дрэвы ў кадках, а таксама букеты і вянкі з яловых галінак. Усяго для продажу лясніцтвамі назапашана 35 тысяч натуральных ялін.
Сёння першых гасцей пасля летніх вакацый прыняў галоўны Дзед Мароз сталіцы. У сваім невялікім драўляным доміку ў парку Горкага ён ахвотна гутарыць з дзецьмі, слухае вершы і дорыць падарункі.
Ужо заўтра на Кастрычніцкай плошчы і ля Палаца спорту разгорнецца традыцыйны кірмаш "Калядная зорка" - агульнагарадская пляцоўка аб'яднае амаль сто гандлёвых аб'ектаў. Там жа, ля Палаца спорту, каля 18 гадзін завершыцца флэшмобам шэсце Дзедаў Марозаў і Снягурак.
