З гэтай нагоды ў беларускай сталіцы разгарнулася маштабнае свята. Раніцай тысячы байкераў з'ехаліся да Кургана Славы. Ён па традыцыі з'яўляецца пунктам пачатку парада. Сярод удзельнікаў фестывалю - байкеры не толькі з Беларусі, але і з Фінляндыі, Італіі, Латвіі. Усяго прадстаўлена больш як 15 краін. Мотакалона ў суправаджэнні ДАІ праехала па маляўнічых месцах горада ў бок Палаца спорту. Менавіта там і разгарнуліся асноўныя святочныя гулянні.
Апроч эфектнага мотапарада ў праграме закрыцця сезона выступленні дыджэяў, музыкантаў, а таксама дрыфт-шоу. Пасля завяршэння мерапрыемства неба над Палацам спорту расфарбуе святочны салют. Пачатак маляўнічай феерыі - у 21:30.
