Марафон цёплых батарэй стартаваў у Мінску. Сёння ацяпленне ўключаюць у дзіцячых садках, школах, бальніцах, музеях, бібліятэках, гасцініцах і іншых сацыяльных аб'ектах. Такое рашэнне прынята ў сталічнай мэрыі. Ацяпляць памяшканні пачынаюць пры сярэднесутачнай тэмпературы на працягу пяці сутак - плюс 10 градусаў і ніжэй. Далей на чарзе жылфонд і адміністрацыйныя будынкі. Аб тэрмінах падачы цяпла будзе прынята дадатковае рашэнне, у залежнасці ад умоў надвор'я ў Мінску.
Стартаваў абагравальны сезон і ў Магілёўскай вобласці. Такое рашэнне прынята аблвыканкамам. Першымі атрымаюць цяпло ўстановы сацыяльнай сферы (сістэмы адукацыі і медыцыны Магілёва, а таксама Бабруйска, Чэрыкава і Быхава).
Другім этапам стане падключэнне да ацяплення жылфонду пры ўмове, што сярэдняя тэмпература паветра на працягу пяці сутак апусціцца ніжэй за 8 градусаў. У далейшым да ацяплення змогуць падключацца і адміністрацыйныя будынкі.
Пацяплелі батарэі і ў сацаб'ектах Драгічынскага раёна Брэсцкай вобласці.
А ў Віцебскай вобласці ацяпленне пачнуць уключаць заўтра.
