У Беларусі пачалося будаўніцтва ўнікальнага цэнтра гібрыднай кардыяхірургіі. Комплекс, дзе будзе сканцэнтравана самае сучаснае сусветнае абсталяванне. Яно дазволіць праводзіць адначасова дзве аперацыі аднаму пацыенту. Урачы змогуць сумяшчаць два падыходы: хірургічны і ўнутрысасудзісты. Тым самым дасягаецца большы вынік з меншай траўмай для пацыента. Такія ўмяшанні ў нашай краіне ўжо праводзяць, але пакуль у старых аперацыйных. Новы комплекс дазволіць асвоіць новыя ўнікальныя ўмяшанні. У праект будзе ўкладзена больш за 97 мільёнаў рублёў. Згодна з планамі, цэнтр гібрыднай кардыяхірургіі пачне працу ў 2024 годзе.
У 2019 годзе правялі 53 трансплантацыі сэрца
Дарэчы, летась у цэнтры кардыялогіі выканалі рэкордную колькасць трансплантацый сэрца - 53 аперацыі. Адна з іх комплекс: сэрца/лёгкія. 16 трансплантацый правялі замежным пацыентам.