Галоўныя героі Перамогі - ветэраны. А вось герояў Савецкага Саюза на сённяшні дзень у нашай краіне засталося толькі двое. Гэта Іван Ільіч Кустаў і Васіль Сяргеевіч Мічурын. Палкоўнік Кустаў трапіў на фронт у 18 гадоў у кастрычніку 1943 года. Паказаў сябе ў баях у Польшчы. Пасля вайны быў удастоены звання Героя Савецкага Саюза, а таксама ордэна Леніна і медаля "Залатая зорка". Васіль Мічурын таксама ўдастоены шэрагу ўзнагарод, у тым ліку Героя Савецкага Саюза. Удзельнічаў у штурме Берліна. У ліпені гэтага года яму спаўняецца 103 гады. Героі-франтавікі падзякавалі вайскоўцам за памяць аб вайне і тых, хто здабыў перамогу. Як пацвярджэнне гэтых слоў прадстаўнікі Мінабароны падарылі ветэранам планшэты з архіўнымі фотаздымкамі.
