Вытворцы абавязаныя размяшчаць малюнкі, якія будуць папярэджваць аб наступствах курэння. Як на ілюстрацыі шкоды ад згубнай звычкі адрэагавалі вытворцы і самі спажыўцы?
Даведвалася Наталля Тарасюк. 50% на брэнд, астатняе месца - на наступствы курэння. Інфаркт, інсульт, слепата, новаўтварэнні. Менавіта так, паводле новых патрабаванняў тэхрэгламенту ЕАЭС, зараз выглядаюць усе цыгарэтныя пачкі.
Вытворца абавязаны размясціць на ўпакоўцы дзве розныя альбо аднолькавыя карцінкі з 12 зацверджаных. Прачытаць можна будзе аб утрыманні ядаў і мутагенных рэчываў, а вось інфармацыі аб колькасці смалы і нікаціну курыльшчык не знойдзе.
Карцінкі ўжо ахрысцілі страшнымі, але вось ці змогуць яны адвярнуць ад пакупкі або хоць бы прымусіць курыць менш?
Паводле ацэнак аднаго з вытворцаў тытунёвай прадукцыі, ужо чвэрць усіх найменняў цыгарэт на беларускім рынку можна знайсці толькі ў пачку новага ўзору. Але нават, калі іх доля дасягне 100 %, сур'ёзнага ўплыву на попыт не чакаюць.
Як прызналіся самі курыльшчыкі падчас здымак гэтага рэпартажу, некаторыя ілюстрацыі сапраўды выклікаюць асаблівую непрыязнасць, таму на касе яны просяць пачак з іншай карцінкай.
Зараз кураць парадку 30% беларусаў. Ад 18 да 44 гадоў. Больш да згубнай звычкі схільныя мужчыны. Гэта ўжо даныя праведзенага ў краіне даследавання Steps.
У парадку 30% курыльшчыкаў з'явілася жаданне кінуць курыць, 15 - перасталі гэта рабіць на вачах дзяцей, а каля 12% адмовіліся ад звычкі з-за карцінак на пачках. Гэтыя даныя - вынік даследаванняў у шэрагу краін пасля пераходу на ўпакоўку з візуалізацыяй тых праблем, да якіх можа прывесці курэнне. Магчыма, такое даследаванне варта правесці і ў Беларусі.
