У аграгарадку Захарнічы Полацкага раёна адбыўся выбух у жылым доме

Надзвычайнае здарэнне ў Полацкім раёне. У аграгарадку Захарнічы напярэдадні вечарам адбыўся выбух у жылым доме. Паводле папярэдняй інфармацыі, на другім паверсе двухпавярховага васьмікватэрнага дома ўзарваўся газавы балон. На шчасце, ахвяр атрымалася пазбегнуць. Усе 13 жыхароў дома эвакуіраваныя. Трое чалавек - двое дарослых і дзіця - дастаўлены ў Полацкую цэнтральную бальніцу.