У Мінскім раёне пад лёд праваліўся пенсіянер. Гэта здарылася ў кар'еры ў вёсцы Хмелеўка. Пра гісторыю выратавання - Алена Вітко.
Падмога з'явілася хутка. Рыбака на бераг выцягнуў Дзяніс Рамейка. На яго рахунку ўжо нямала выратаваных жыццяў, але гэтая сітуацыя на лёдзе першая. Добры фінал дзякуючы спецыяльнай камізэльцы, вяроўцы і, зразумела, вопыту.
Правілы бяспекі ад ратавальнікаў
Прадухіліць трагедыю на лёдзе толькі сіламі ратавальнікаў дастаткова складана. Тут патрэбна адказнасць кожнага. Дарэчы, зараз выхад на вадаёмы катэгарычна забаронены. І калі вы ўсё ж сталі відавочцам трагічнай сітуацыі, трэба адразу патэлефанаваць у 101 альбо 112.У гэты вясновы перыяд ратавальнікі нагадваюць правілы бяспекі не толькі рыбакам. Прафілактычныя сустрэчы і рэйды праводзяць і для бацькоў. Наперадзе школьныя канікулы, лёд не месца для гульняў.
