На гэтым фоне больш квадратных метраў узвядуць у гарадах - спадарожніках Мінска. Плануецца, што ў найбліжэйшыя дзесяць гадоў Дзяржынск, Фаніпаль, Заслаўе, Лагойск, Рудзенск і Смалявічы выберуць больш за 100 тысяч мінчан. Там створаць 75 тысяч новых рабочых месцаў. Пры гэтым у кожнага горада будзе свая спецыялізацыя. Чым прываблівае сёння Лагойск, і якім гэты сталічны спадарожнік будзе заўтра?
Аляксей Кандраценка прадоўжыць тэму. Будаўніцтва жылля – адзін з галоўных фактараў развіцця і своеасаблівы лакаматыў, які рухае горад наперад. Новабудоўлі, развітая інфраструктура і добрая экалогія робяць Лагойск камфортным для жыцця.
Трыа з каляскамі - Тамара, Алеся і Ірына – у сонечнае надвор’е заўсёды разам на прагулцы. У малых ёсць прастора, дзе пагуляць, а ў маці магчымасць зайсці ў магазіны. Маладыя сем'і - звыклая карціна ў новых гарадскіх кварталах Лагойска.
Сённяшні Лагойск - гэта 12 тысяч жыхароў, дзень заўтрашні, а больш дакладна перспектыва найбліжэйшых гадоў - ужо амаль 20 тысяч чалавек. Рост забяспечвае станоўчая дэмаграфічная сітуацыя, дарэчы, лепшая ў Мінскай вобласці. Аднак большую частку складуць мінчане. Пры такіх тэмпах і будаўнічая сфера імкнецца наперад.
Разам з тым у Лагойскім раёне будзе і больш новых рабочых месцаў. Буйныя бізнесмены ведаюць: інвестыцыі ў мясцовую эканоміку даюць свае бонусы. Для жыхароў гэта добрыя заробкі і магчымасць развівацца.
Пры гэтым у Лагойска асабістае амплуа як горада-спадарожніка. Гэта цэнтр спорту і турызму.
Другое жыццё атрымае і палацава-паркавы комплекс Тышкевічаў. У перспектыве ён стане сапраўднай турыстычнай Мекай для аматараў эстэтычнага адпачынку і знатакоў даўніны.
