Сталі вядомыя новыя падрабязнасці сітуацыі вакол пасадкі самалёта Ryanair. Даныя аб'ектыўнага кантролю пераканаўча пацвярджаюць, што ніякага перахопу, прымусовага развароту ад дзяржмяжы і прымусовай пасадкі самалёта не было, заявіў журналістам камандуючы Ваенна-паветранымі сіламі і войскамі супрацьпаветранай абароны Ігар Голуб. Паводле слоў экспертаў, гіпертрафіраваная істэрыя Захаду і адсутнасць канструктыўных рашэнняў паказвае - аб'ектыўнае расследаванне інцыдэнту нікому, акрамя Беларусі, не трэба.
На брыфінгу прысутнічаў і Раман Пратасевіч. Размова закранула і яго стан здароўя. Сёння раніцай у тэлеграм-каналах з'явіліся фэйкі, у якіх сцвярджалася, што Пратасевіча нібыта жорстка збіваюць у СІЗА. Іх выкрыў сам фігурант ілжывых навін.
Паводле слоў Пратасевіча, сапраўднымі заложнікамі сталі яго бацькі. У Польшчы яны знаходзяцца ва ўмовах інфармацыйнага вакууму. Гэтым у сваю чаргу карыстаюцца ў сваіх мэтах канкрэтныя палітычныя дзеячы. Пры гэтым Пратасевіч падкрэсліў: рашэнне ўдзельнічаць у прэс-канферэнцыі, як і супрацоўніцтва са следствам, абсалютна добраахвотнае.
