Дзень ведаў - гэта яшчэ і час падарункаў. У БДУ сёння адкрылі новы навучальны корпус. На 16 тысячах квадратных метрах - сучасныя лабараторыі, камп'ютарныя класы, лінгафонныя кабінеты, а таксама актавая зала, бібліятэка, сталовая і ўсё неабходнае для эфектыўнага адукацыйнага працэсу. У будынку прапішуцца будучыя філолагі, эканамісты і эколагі. Большасць з іх - замежныя студэнты, у асноўным, з Кітая.
Новы навучальны корпус - гэта падарунак Беларускаму дзяржаўнаму ўніверсітэту, які летась адзначыў 100-гадовы юбілей. БДУ - ключавая і самая буйная ВНУ нашай краіны, у якой навучаюцца больш за 21 тысячу студэнтаў.