Па ўсёй Беларусі 28 сакавіка пройдзе больш за сотню прафсаюзных прававых прыёмаў. Бясплатна пракансультавацца супрацоўнікі змогуць проста на рабочых месцах. У асаблівых выпадках далучаюцца пракуроры.
"Калі прафсаюзныя юрысты бачаць, што пытанне немагчыма вырашыць непасрэдна ў дзень прафсаюзнага прыёму, гэта пытанне бярэцца на кантроль. У выпадку неабходнасці для работніка складаецца працэсуальны дакумент альбо іншы нейкі дакумент у арганізацыі або дзяржаўныя органы і пытанне суправаджаецца да поўнага яго вырашэння", - сказала начальнік упраўлення юрыдычнай работы Федэрацыі прафсаюзаў Беларусі Святлана Котава.
Такія выязныя прававыя прыёмы праходзяць кожны апошні чацвер месяца па ўсёй краіне.