Аўдыторыі-трансформеры, адзіная інтэлектуальная сістэма навучання і нават уласная зала судовых пасяджэнняў. Сёння адбылося ўрачыстае адкрыццё новага сучаснага корпуса Міжнароднага ўніверсітэта "МІТСО", у якім змогуць навучацца не менш за паўтысячы студэнтаў. Там жа будзе знаходзіцца і Рэспубліканскі навучальна-метадычны цэнтр прафсаюзаў. Урачыстае адкрыццё прымеркавалі да юбілею альма-матар. Сёлета "МІТСО" споўнілася 85 гадоў. Першапачаткова ён ствараўся як вышэйшая школа прафсаюзаў, зараз гэта ўніверсітэт міжнароднага ўзроўню.
Станіслаў Князеў, рэктар Міжнароднага ўніверсітэта "МІТСО": "Універсітэт мае багатыя традыцыі. У нас 47 партнёраў нашых і за мяжой. Мы вельмі шмат працуем не толькі з замежнымі партнёрамі, але і пасыланы нашых студэнтаў, выкладчыкаў - каля 200 чалавек за год маюць магчымасць выехаць за кошт універсітэта на самыя розныя мерапрыемствы: на навуковыя канферэнцыі, стажыроўкі за мяжой".
Зараз студэнты Міжнароднага ўніверсітэта "МІТСО" ўдзельнічаюць у алімпіядзе па міжнародным праве ў Вашынгтоне. Летась у гэтым жа конкурсе Беларусь заняла 5 месца з больш як 250 каманд.
