Мінская вобласць завяршыла ўборачную - наперадзе працаўнікоў сяла чакаюць "Дажынкі". Адзін з традыцыйных этапаў фестывалю-кірмашу - конкурс саламяных кампазіцый. Кожная гаспадарка вырабляе сваю непаўторную скульптуру. Да спаборніцтваў сур'ёзна падышоў Нясвіжскі раён - тут гасцей сустракаюць 14 работ.
Кожная прысвечана 800-гадоваму юбілею раённага цэнтра. Аб натхненні майстроў і новых лакацыях для сэлфі - Карына Гурэвіч.
Праца на вынік: падрыхтоўка да "Дажынак"
Калі засуха і дажджы не перашкода: амаль паўтара мільёна тон збожжавых! З такім вынікам цэнтральны рэгіён завяршыў жніво. У лідарах - Нясвіжскі раён. Намалот перавысіў 100 тысяч тон. Свой уклад у агульны "каравай" і ў мясцовай эксперыментальнай базы "Свеклавічная". А гэта больш за 6,5 тысячы тон. Наперадзе яшчэ не адзін дзень у полі - зараз ідзе ўборка кукурузы на сілас.
Наперадзе раённыя "Дажынкі". Адзін з традыцыйных атрыбутаў фестывалю хлебаробаў - саламяныя кампазіцыі. Вакол Нясвіжа такіх шмат! Адны размясціліся каля дарог, іншыя - упрыгожваюць ўезды у гарады і вёскі.
Сёлета Нясвіж адзначыў сваё 800-годдзе. Менавіта гэтай падзеі і прысвечаны скульптуры. Гэты саламяны замак сустракае гасцей ля вёскі Сейлавічы, вышыня інсталяцыі амаль 5 метраў. Тут і банэр, распрацаваны да юбілею, і "Сэрца Нясвіжа", якое сплялі ўручную.
Кацярына Мархель не раз чула захопленыя водгукі аб сваёй экспазіцыі. Узгадвае, як упершыню ўбачыла відэа ў сацсетках і чытала каментарыі - шмат добрых слоў! У праект яна ўклала ўсю любоў да свайго раёна. Дапамагалі калегі і сям'я - малявалі герб, збіралі металічную канструкцыю, устанаўлівалі літары.
Па ўсім Нясвіжскім раёне - 14 саламяных фотазон. З кожным годам яны становяцца ўсё больш маштабнымі і маляўнічымі. Так, у гаспадарцы "Новае жыццё" з'явілася сапраўдная слуцкая брама. Натхняліся майстры славутасцю ў раённым цэнтры. Маштаб здзіўляе.
Самыя фотагенічныя кампазіцыі змогуць удзельнічаць ў абласным этапе. Лепшых майстроў ўзнагародзяць у верасні ў Салігорску, які стане лакацыяй для фестывалю-кірмашу хлебаробаў цэнтральнага рэгіёна.
