Амерыканская вакцына Johnson & Johnson здольная выклікаць рэдкае захворванне. Гэта пацвярджае Упраўленне па санітарным наглядзе за якасцю харчовых прадуктаў і медыкаментаў ЗША. Размова пра развіцце сіндрому Гіена-Барэ. Гэта рэдкае захворванне, пры якім імунная сістэма атакуе нервовыя клеткі. У кампаніі ўсё ж адзначылі, што імавернасць такога захворвання вельмі нізкая.
Францыя і Грэцыя ўвялі абавязковую вакцынацыю для медперсаналу
Тым часам Францыя ўвяла абавязковую вакцынацыю для ўрачоў. Аб гэтым заявіў прэзідэнт краіны Эмануэль Макрон, выступаючы з тэлезваротам да нацыі.
Аб абавязковай вакцынацыі медыкаў і работнікаў дамоў састарэлых аб'явіў і прэм'ер-міністр Грэцыі.
У Англіі ўжо з 19 ліпеня здымаюць абмежаванні, але будуць патрабаваць вакцынавыя пашпарты ў наведвальнікаў масавых мерапрыемстваў. А ўлады Нідэрландаў папрасілі ў жыхароў прабачэння за занадта паспешнае зняцце абмежаванняў - у краіне ўжо фіксуецца новы максімум захворвання.
