Годам гістарычнай памяці аб'яўлены ў Беларусі 2022-гі. Шматгранная і шматвяковая гісторыя краіны, якую немагчыма ахарактарызаваць якім-небудзь навуковым азначэннем. Яна ўключае ў сябе некалькі эпох. Але чамусьці большасць беларусаў, пачуўшы пра гістарычную памяць, асацыюе яе з невялікім па часе, але каласальным па значнасці, перыядам Вялікай Айчыннай. Быць можа таму, што ў апошняе дзесяцігоддзе ўсё часцей імкнуцца перапісаць гісторыю і фальсіфікаваць вынікі Другой сусветнай.
Беларусы, у якіх у кожнай сям'і дагэтуль памятаюць тых, хто загінуў, набліжаючы перамогу, або цудам застаўся жывы, пройдучы праз зверствы акупантаў, не могуць абыякава назіраць за тым, што адбываецца. Наш абавязак - абараніць сваю гістарычную памяць. Бо ў нас яна закладзена на генным узроўні. Нават зараз мы не можам уявіць, якім быў дыяпазон метадаў Трэцяга рэйха, накіраваны на знішчэнне нашага народа. На тыдні Прэзідэнт падпісаў закон "Аб генацыдзе беларускага народа". А крымінальная справа, якую ўзбудзіла Генпракуратура ў красавіку мінулага года, ужо дазволіла выявіць сотні новых фактаў злачынстваў супраць чалавека і чалавечнасці. Аб шакавальных аперацыях нацыстаў - Алена Борматава.
