Парушэнні ў будаўнічай сферы - асноўная тэма сённяшняга пасяджэння калегіі Камітэта дзяржкантролю, якая праходзіла па даручэнні Кіраўніка дзяржавы. Нагадаем, навядзеннем парадку ў будаўнічай сферы займалася спецыяльная рабочая група. Аднак толькі ў гэтым годзе ў сталіцы ўвялі ў эксплуатацыю 6 дамоў з будаўнічымі недаробкамі. Аляксандр Харавец працягне тэму.
Адсутнасць газу, электрычнасці і да гэтага часу невядомы дакладны кошт квадратнага метра сёння перашкаджаюць дольшчыкам 6 сталічных дамоў заехаць у свае кватэры.
Леанід Анфімаў, старшыня Камітэта дзяржкантролю Беларусі: Парушэнні ажыццяўляюцца пры непасрэдным патуранні службовых асоб органаў дзяржнагляду, тых асоб, якія павінны спыняць дадзеныя праяўленні. Нягледзячы на жорсткія патрабаванні Кіраўніка дзяржавы, з'яўляюцца ўжо новыя праблемныя дамы. Такое ўражанне складваецца, што для таго каб пыл у вочы пусціць, адцягнулі рэсурсы плануемых да будаўніцтва, кінулі на латанне дзірак уводных даўгабудаў, тым самым выклікалі новую хвалю праблемных дамоў.
Патэнцыяльным даўгабудам можа стаць і вось гэты дом у Каменнай Горцы. Узводзіць яго пачала прыватная будаўнічая кампанія яшчэ ў 2011 годзе. Аднак тэрміны ўводу жылля ў эксплуатацыю ўвесь час пераносіліся з-за недахопу сродкаў. У выніку сёння будоўлю дома завяршаюць гарадскія будаўнічыя арганізацыі.
Працы тут яшчэ шмат, аднак будаўнікі абяцаюць зрабіць усё на працягу 2 месяцаў і аддаць дольшчыкам ключы напярэдадні Новага года.
Таццяна Вараб'ёва, начальнік упраўлення архітэктуры і будаўніцтва адміністрацыі Фрунзенскага раёна г. Мінска: Распрацаваны графікі вытворчасці работ, яны падпісаны ўсімі зацікаўленымі службамі з тэрмінам уводу ў снежні 2011 года. Тэмп будаўніцтва дастатковы, каб увесці ў 2014 годзе.
Спецыялісты сцвярджаюць, ёсць праблемы і з правядзеннем атэстацый будаўнічых арганізацый. Сёння ў краіне створаны ўсяго толькі 4 цэнтры па прыёме дакументаў і правядзенні экзаменаў. У выніку большасць УКБ не атрымала атэстаты адпаведнасці, без якіх забаронена пачынаць будаўніцтва.
Сяргей Раўнейка, начальнік Галоўнага ўпраўлення кантролю за працай галін матэрыяльнай вытворчасці КДК Беларусі: На сёння быццам бы нарматыўнымі актамі і створана сістэма, але яна дае збой. Няма магчымасці павышэння кваліфікацыі. Гэтым займаюцца цэнтры пры навучальных установах, размешчаных у Мінску. Таму даступнасць і камандзіровачныя выдаткі значныя.
Пра парушэнні ў будаўнічай сферы сёння ішла размова і на пасяджэнні калегіі Камітэта дзяржкантролю ў Мінску, якая праходзіла па даручэнні Кіраўніка дзяржавы. Вынікі шматгадзіннай размовы выліліся ў канкрэтныя прапановы - прыцягнуць да адказнасці кіраўніцтва Міністэрства архітэктуры і будаўніцтва, а таксама службовых асоб, якія дапусцілі парушэнні пры здачы дамоў.
