Акцыю падтрымалі вадзіцелі з 2 000 гарадоў у 40 краінах. І ўжо 8-ы раз Мінск таксама стаў часткай сусветнага зялёнага марафону. З 6 гадзін раніцы ў сталіцы перакрытая вуліца Леніна - менавіта тут пройдуць майстар-класы і запрацуюць інтэрактыўныя пляцоўкі. Фестываль адкрыецца праз гадзіну.
Зараз ля Нацыянальнага мастацкага музея працуе наш карэспандэнт Юлія Грызунт (прамое ўключэнне). Сёння, нягледзячы на надвор'е, на вуліцах горада сапраўды стала больш людзей, якія перасоўваюцца на двухколавым транспарце. Зараз тут, на вуліцы Леніна, фестываль яшчэ не пачаўся, але ўжо ідзе падрыхтоўка. Праз гадзіну адкрыецца дзіцячая пляцоўка, фотавыстава, пункт страхавання веласіпедаў, а разам з тым пройдуць экалекцыі аб тым, як зрабіць свет чысцейшым, пачаўшы з сябе. Атмасфера тут ужо святочная. На сцэне групы пачалі саўндчэк. Крыху пазней, у 17:00, тут пачнуць танцаваць блюз, твіст і сальсу, а ў 18 пачнецца святочны канцэрт. Для неабыякавых да планеты флешмоб пачаўся, вядома, раней. Нагадаем, што Мінск далучыўся да Еўрапейскага тыдня мабільнасці, і Дзень без аўтамабіля - гэта толькі адна з акцый. Напрыклад, Ія Малкіна, намміністра прыроды і аховы навакольнага асяроддзя, сёння на фестываль дакладна прыйдзе пешкі.
Арганізатары Дня без аўтамабіля не забылі і пра тых, каму сёння трэба перасоўвацца на вялікія адлегласці. У грамадскім транспарце на правах праязнога білета сёння дзейнічаюць вадзіцельскае пасведчанне і тэхпашпарт на машыну. Мяркуючы па тым, што мы сёння ўбачылі на адной са станцый метро, многія сапраўды далучыліся да міжнароднага флешмобу. І тут жа, на вуліцы Леніна, роўна ў 9 вечара пачнецца велапрабег. Да яго можа далучыцца кожны - арганізатары просяць узяць з сабою велаліхтарык, каб зрабіць акцыю яшчэ больш відовішчнай.
