Да знакавай даты прымеркаваны і аўтапрабег, які фінішыраваў у Мінску. Акцыя стартавала 24 чэрвеня ад Паклоннай гары ў Маскве. На працягу 6 дзён спартсмены-аўтамабілісты наведалі гарады-героі і гарады воінскай славы Расіі, а таксама праехалі па гарадах і населеных пунктах нашай краіны, якія ўказам Прэзідэнта Беларусі ўзнагароджаныя вымпелам За мужнасць і ўстойлівасць у гады Вялікай Айчыннай вайны. Удзельнікі аўтапрабегу наведалі Калугу, Бранск, Гомель, Магілёў, Оршу, Барысаў. Падчас акцыі яе ўдзельнікі сустрэліся з ветэранамі і моладдзю, усклалі вянкі да помнікаў воінскай славы, наведалі ваенныя музеі і месцы ключавых бітваў. Святочны аўтапрабег фінішыраваў у сталіцы ля стэлы Мінск - горад-герой. Там жа прайшоў мітынг і ўскладанне вянкоў.
