Штармавое папярэджанне зноў аб’явілі сіноптыкі. І заўтра ў Беларусі парывы ветру будуць дасягаць 20 метраў за секунду. Цыклон "Даніэль", які рухаецца з паўднёва-ўсходніх раёнаў Польшчы, нясе таксама дажджы. За мінулыя суткі месцамі па краіне выпала 30 % ападкаў. У цэлым - першая дэкада мая ў Беларусі чакаецца на адзін градус ніжэйшай за кліматычную норму.
З-за непагадзі сёння раніцай не змог прызямліцца ў Нацыянальным аэрапорту борт з Грузіі. Паводле інфармацыі прэс-службы паветранай гавані, камандзір экіпажа рэйса "Белавія", які вылецеў з Тбілісі, не змог здзейсніць пасадку з-за моцнага бакавога ветру і сышоў на запасны аэрадром у Вільнюс. Зараз лайнер ужо вярнуўся ў Беларусь. Нацыянальны аэрапорт працуе ў штатным рэжыме ў адпаведнасці з раскладам. У гэты ж час у самой сталіцы спецыялістам МНС прыйшлося выехаць на ліквідацыю наступстваў падзенняў дрэў.
Адзін з эпізодаў адбыўся на вуліцы Убарэвіча на тэрыторыі дзіцячага саду. Інфармацыі аб пашкоджанні ліній электраперадачы ў Белэнэрга пакуль не паступала.
Некаторыя НЗ зафіксаваныя і ў Брэсце. Карыстальнікі размясцілі ў інтэрнэце відэа інцыдэнту ў скверы. Мяркуецца, што прычынай падзення дрэва таксама стаў моцны вецер.
