Больш чым паўсотні пазнавальных маршрутаў па Мінску і мінімум 70 варыянтаў для экскурсій па Беларусі прапаноўваюць вучням сталічных школ. Вытворчыя і інтэрактыўныя, экалагічныя і ваенна-патрыятычныя, а яшчэ аўтобусныя, пешаходныя, на веласіпедах або па вадзе, на байдарках. Асаблівай папулярнасцю карыстаюцца музеі ў крокавай даступнасці - у саміх установах адукацыі. Так, у Мінску на базе школ функцыянуе звыш 120 тэматычных выставачных залаў. Гэта музей маці, энергазберажэння, тэхнікі і электронікі, а таксама этнаграфічнага і літаратурнага профіля.
З цёплым і сонечным надвор'ем стартуе і сезон экскурсій на свежым паветры. Сярод пешых падарожжаў прапаноўваюць маршруты да "Музеі валуноў", квэсты на экасцежцы "Горад птушак" і велапрагулкі "Цнянскае фотасафары".
