Прэзідэнт Беларусі сёння даў згоду на ўнясенне ў Палату прадстаўнікоў праекта закона "Аб прыпыненні дзеяння Дагавора аб звычайных узброеных сілах у Еўропе". Але гэта не абазначае выхад нашай краіны з дакумента. Пры гэтым ва Узброеных сілах пакуль не збіраюцца спыняць працэдуры, звязаныя з яго выкананнем.
Дагавор быў ратыфікаваны Беларуссю і ўступіў у сілу ў 1992 годзе. Згодна з ім, павінны быць абмежаваныя сумарныя ўзроўні звычайных узбраенняў і тэхнікі па пяці асноўных катэгорыях - танкі, баявыя браніраваныя машыны, артылерыя, ударныя верталёты і баявыя самалёты.
У дакуменце закладзены і абавязацельствы па праверках - абмен інфармацыяй і правядзенне інспекцый. Але па факце мы назіраем, што ў жніўні 2022 года Чэхія вырашыла не выконваць ДЗУСЕ з дачыненні да нашай краіны. Летась у сакавіку гэтак жа зрабіла Польшча. Акрамя таго, у лістападзе 2023-га Паўночнаатлантычны савет НАТА заявіў аб намеры краін-членаў прыпыніць удзел у ДЗУСЕ.