Папраўкі ў законы і ўручэнне ганаровых грамат медыкам. Парламентарыі завяршаюць вясновую сесію

Сёння Палата прадстаўнікоў прыняла ў першым чытанні праекты новых Адміністрацыйнага і Працэсуальна-выканаўчага кодэксаў. Галоўная асаблівасць дакументаў - іх прафілактычны і папераджальны характар. Нагадаем, па даручэнні Кіраўніка дзяржавы апошнія паўгода карэкціроўкамі займалася міжведамасная экспертная камісія - гэта спецыялісты Адміністрацыі Прэзідэнта, МУС, парламентарыі, юрысты і навукоўцы. Праекты накіроўваліся на грамадскае абмеркаванне, і шматлікія нормы ў іх замацаваліся дзякуючы заўвагам людзей.

У Савеце Рэспублікі ўзнагародзілі лепшых медработнікаў

А ў Савеце Рэспублікі сёння перад заключным пасяджэннем узнагародзілі лепшых медработнікаў Беларусі. Ганаровыя граматы за вялікі ўклад у працу дактарам уручыла старшыня верхняй палаты парламента Наталля Качанава. Адзначым, сёння вясновая сесія парламентарыяў завяршаецца.