Такім чынам укамплектаванасць урачэбнымі кадрамі ў цэнтральным рэгіёне дасягне 95%. Адначасова ўдасканальваецца і абсталяванне бальніц і паліклінік, з'яўляюцца новыя запатрабаваныя паслугі.
Пра развіццё медыцыны ў малых гарадах рэпартаж Аляксея Кандраценкі.
Утульныя палаты і сталовая, светлыя калідоры. Пацыенты тэрапеўтычнага аддзялення Валожынскай цэнтральнай раённай бальніцы заўважылі: свежы інтэр'ер паскарае папраўку. І гэта без уліку прафесіяналізму саміх урачоў. Усе рамонтныя работы тут праводзяць гаспадарчым спосабам. Мінімум пасрэднікаў дазваляе эканоміць да 50%.
Камфортныя ўмовы працы, сацыяльныя гарантыі, жыллё - тое, што ў Валожынскай бальніцы атрымліваюць медработнікі. Для пацыентаў жа - новыя паслугі. Напрыклад, іголкарэфлексатэрапія: кропкавы падыход рэкамендаваны для лячэння амаль 30-ці захворванняў. Плюс папулярны сэрвіс - кампрэсійны масаж. Тут на службе ў медыкаў новы прыбор - лімфамат.
Аляксей Маскальцаў, загадчык аддзялення Валожынскай цэнтральнай раённай бальніцы: "Крывацёк у людзей, у якіх ён парушаны, паляпшаецца, таму што апарат дапамагае руху крыві і тканкавай вадкасці, што застаялася ў канечнасцях, бліжэй да сэрца. У гэтым яго асноўны эфект".
