Беларускія ВПС і войскі СПА завяршылі першы этап вучэнняў. Фіналам стане баявая стральба на палігоне Ашулук. Беларускія вайскоўцы адпрацавалі ўсе пастаўленыя задачы на тэрыторыі краіны.
Наступны этап - перадыслакацыя войскаў на расійскі палігон Ашулук. Паводле задумы, адпрацоўка ваенных дзеянняў там працягнецца з 22 па 25 жніўня. Перадыслакацыя ў Расію і зваротна будзе арганізаваная чыгуначным і паветраным транспартам. Падчас планавання вучэнняў улічваўся вопыт сучасных ваенных канфліктаў, а ўсе манеўры набліжаныя да рэальнага баявога становішча.
У вучэннях задзейнічаны асабовы склад і ўзбраенне, ваенная і спецтэхніка ад авіяцыйных воінскіх часцей, войскаў СПА і радыётэхнічных падраздзяленняў, а таксама баявыя разлікі Ваеннай акадэміі Беларусі.
