Першая пробная партыя вакцыны "Спадарожнік V" выраблена ў Беларусі

Першая пробная партыя вакцыны ад каранавіруса "Спадарожнік V" сышла з канвеера ў Мінску. Разлівалі яе на пляцоўках Белмедпрэпаратаў па расійскай тэхналогіі.

Аб гэтым сёння паведамілі на брыфінгу прадпрыемства. Да размовы далучыліся калегі з Масквы. Адзначым, пасля атрымання вынікаў адпаведнасці запусцяць вытворчасць у прамысловых маштабах. Мяркуецца, выпуск вакцыны на пляцоўках Белмедпрэпаратаў дазволіць цалкам забяспечыць патрэбнасць краіны ў вакцыне супраць каранавіруса.

У перспектыве Беларусь зможа не толькі вырабляць "Спадарожнік V ", але і экспартаваць вакцыну ў трэція краіны.