На днях беларускія навукоўцы прапанавалі найноўшую распрацоўку. Гэта экспрэс-тэст на наркотыкі. Вызначыць ап'яненне чалавека зараз можна ўсяго за хвіліну. Для аналізу не патрэбныя спецыяльныя ўмовы.
Як працуе распрацоўка маладых спецыялістаў, раскажа Аляксей Радзівонаў.
Вынік тэста, запэўніваюць навукоўцы, стапрацэнтны. Экспрэс-аналіз, які дазваляе ўсяго за хвіліну вызначыць, ці прымаў чалавек наркатычныя рэчывы, спецыялісты біялагічнай лабараторыі вядучага ўніверсітэта нашай краіны распрацавалі ўсяго за два гады.
Станіслаў Рызеўскі, загадчык лабараторыі прыкладных праблем біяхіміі біялагічнага факультэта БДУ: Гэтая распрацоўка - экспрэс-тэст на вызначэнне наркатычных злучэнняў - была створаная сумесна з супрацоўнікамі экспертна-крыміналістычнага цэнтра МУС Рэспублікі Беларусь.
Максімальна хутка, дакладна і проста - вось галоўныя прынцыпы, якіх прытрымліваліся супрацоўнікі лабараторыі пры распрацоўцы інавацыйнага тэста. Адзін з галоўных плюсаў метаду - магчымасць выявіць у арганізме ў тым ліку і рэшткі псіхатропу. Тэст спрацуе, запэўніваюць навукоўцы, нават калі з моманту ўжывання наркотыкаў прайшло ўжо некалькі тыдняў.
Максім Капусцін, вядучы навуковы супрацоўнік лабараторыі прыкладных праблем біяхіміі біялагічнага факультэта БДУ: Тэсты ўяўляюць сабой герметычна фальгіраваную ўпакоўку, у якой знаходзіцца тэст-палоска. Тэст-палоска - гэта кавалачак храматаграфічнага матэрыялу з нанесеным рэагентам.
Прынцып працы таксама просты. Для праверкі патрэбны толькі біяматэрыял падазронага, і ўжо праз некалькі секунд вердыкт.
У гэтай лабараторыі Інстытута біяхіміі беларускія навукоўцы стварылі не толькі экспрэс-тэст на наркотыкі. Напрыклад, зусім нядаўна спіс вынаходак папоўніўся аналізам на наяўнасць выбуховых рэчываў і магчымасцю вызначыць натуральнасць спіртных напояў. Усяго некалькі дзясяткаў навуковых праектаў.
Аналагічныя беларускім экспрэс-тэсты ўжо выкарыстоўваюць у ЗША, Германіі, Францыі і Расіі. Прычым, працуюць з такімі тэстамі нават у школах і ўніверсітэтах. Ініцыятыва пайсці па гэтым прыкладзе і пры неабходнасці тэсціраваць беларускіх школьнікаў і студэнтаў таксама ёсць. Але пакуль яна на стадыі абмеркавання.
