Заўтра ў Беларусі адправіць віншавальны ліст можна будзе не ў звычайным канверце, а ў святочным, які будзе ўпрыгожаны эксклюзіўным штэмпелем. Паштовы адбітак, як, зрэшты, і канверт распрацавалі спецыяльна да 70-годдзя вызвалення нашай краіны ад нямецка-фашысцкіх захопнікаў. Урачыстае гашэнне будзе праходзіць у буйных паштовых цэнтрах ва ўсіх рэгіёнах нашай краіны, у тым ліку і ў сталіцы.
Уладзімір Буцько, спецыяліст выдавецкага цэнтра Марка РУП Белпошта: Акрамя звычайных штэмпеляў, для падзей выпускаюцца спецыяльныя памятныя штэмпелі, якія дзейнічаюць, як правіла, адзін дзень.
Дарэчы, да 70-годдзя Перамогі ў Вялікай Айчыннай вайне, якую беларусы будуць святкаваць у наступным годзе, РУП Белпошта рыхтуецца выпусціць спецыяльную серыю марак.
