Новыя падрабязнасці ў справе вакол топ-менеджмента Белгазпрамбанка

У справе вакол топ-менеджмента Белгазпрамбанка з'яўляюцца ўсе новыя падрабязнасці. Сёння, у прыватнасці, стала вядома аб узбуджэнні крымінальнай справы ў дачыненні дырэктара Магілёўскай абласной дырэкцыі банка Сяргея Кармызова. Ён абвінавачваецца ў крадзяжы шляхам злоўжывання службовымі паўнамоцтвамі ў асабліва буйным памеры.

Гаворка ідзе аб маніпуляцыях з выдачай банкаўскіх крэдытаў - фактычна аб "продажы" крэдытаў. Падрабязнасці ашуканскай схемы праваахоўнікі абяцаюць распавесці пазней, але ўжо зараз вядома, што пацярпелыя ацэньваюць прычыненую шкоду ў дзясяткі тысяч долараў. 

Мяркуючы па ўсім, гэтая схема была далёка не адзінай, з дапамогай якой узбагачалася кіраўніцтва Белгазпрамбанка. Нагадаем, напярэдадні кіраўнік Камітэта дзяржкантролю Іван Тэртэль распавёў падрабязнасці фінансавых махінацый. Па-першае, узбуджаныя крымінальныя справы па фактах легалізавання злачынных прыбыткаў і няплаты падаткаў. Па-другое, затрыманыя 15 чалавек - гэта топ-менеджары, у тым ліку - намеснікі кіраўніка банка, а таксама прадстаўнікі камерцыйных структур, у асноўным, былыя супрацоўнікі Белгазпрамбанка. Трэцяе: падчас следчых дзеянняў канфіскавана каля 4 мільёнаў долараў, атрыманых незаконным шляхам, каштоўныя паперы коштам 500 тысяч долараў, золата, каштоўнасці, інструменты для кіравання рахункамі за мяжой і іншыя рэчы, якія пацвярджаюць незаконную дзейнасць фінансавай установы. 

Як было адзначана, ДФР валодае пераканаўчымі доказамі дачынення экс-кіраўніка Белгазпрамбанка Віктара Бабарыкі да супрацьпраўнай дзейнасці. Нагадаем таксама, што працу па гэтай справе фінансавая міліцыя дзяржкантролю пачала яшчэ ў 2016 годзе. Менавіта тады ў поле зроку праваахоўнікаў трапіла каманда так званых аднадумцаў з ліку дзеючых і былых топ-менеджараў і працаўнікоў банка. За час праверкі былі накіраваныя запыты замежным партнёрам у іншыя краіны. Адказы ў сілу шэрагу прычын паступілі толькі ў снежні 2019 года. І ўжо інфармацыя, якая змяшчаецца ў гэтых адказах, дазволіла Дэпартаменту фінансавых расследаванняў актывізаваць аператыўную працу. У выніку былі атрыманыя пераканаўчыя доказы супрацьпраўнай дзейнасці маштабнага характару. Фактычна на базе банка была створаная арганізаваная злачынная група, якая здзяйсняла вывад грашовых сродкаў за мяжу. На сёння большасць затрыманых супрацоўнічаюць са следствам, даюць сведчанні і вяртаюць сродкі, якія, па меркаванні следства, былі атрыманыя злачынным шляхам. 

І яшчэ невялікая рэмарка, важны момант для дасведчаных і тых, хто разумее банкаўскую сферу. Графік рэнтабельнасці беларускіх банкаў - ключавы паказчык, які характарызуе якасць кіравання і здольнасць генерыраваць прыбытак. Як відаць, Белгазпрамбанк саступае не толькі сувымернаму па памеры актываў "Прыёрбанку", але і іншым прадстаўнікам расійскага банкаўскага бізнесу ў Беларусі. Прыніжаныя фінансавыя вынікі банка, які працуе на прэміяльным сегменце і незадзейнічанага ў рэалізацыі важных дзяржпраграм, пацвярджае выснову аб рэалізацыі сумнеўных фінансавых аперацый.