Навагодняе віншаванне прэзідэнта ў трэндах YouTube. І ўвага да сказанага пад бой курантаў не змяншаецца. Аляксандр Лукашэнка па традыцыі адзначыў тое, чаго мы дасягнулі. І нават згадванні адным радком зробяць гэты спіс вельмі вялікім. "Не страціць тое, што створана, і паступальна, без узрушэнняў рухацца наперад", - такой бачыцца генеральная лінія новага, 2021 года. Усе маючыя адбыцца змяненні ў краіне будуць прадыктаваныя выключна разумнай неабходнасцю (бо свет таксама не стаіць на месцы). Але пры гэтым перамены будуць з разраду эвалюцыйных змяненняў, а не кардынальнай ломкі. Пра гэта (як пра галоўны акцэнт палітыкі-20/21) скажуць палітолагі і дэпутаты, аналізуючы навагодні зварот кіраўніка дзяржавы.
2021 аб’яўлены Годам народнага адзінства. І гэтую задачу нам прыйдзецца вырашаць разам. Гэтак жа, як агульнымі намаганнямі трэба развіваць дасягненні суверэннай Беларусі. А многія напрамкі развіцця вызначыць Усебеларускі народны сход. Гэтая найважнейшая падзея ў жыцці краіны стартуе 11 лютага пры ўдзеле больш чым дзвюх з паловай тысяч дэлегатаў, якія прадстаўляюць усе рэгіёны Беларусі. Вялікі грамадскі дыялог пройдзе ў двухдзённым фармаце.
