Праваслаўныя вернікі рыхтуюцца да вялікага свята Вадохрышча. Упершыню ў беларускай сталіцы і Мінскім раёне разам з традыцыйнымі пелькамі абсталююць і купелі з падагрэвам. Такіх эксперыментальных месцаў для вадохрышчанскіх акунанняў два. Як яны ўладкаваныя? І што аб новаўвядзенні гаворыць Праваслаўная царква? Даведаўся Уладзіслаў Бондар.
У ледзяную ваду з галавой
Каму не страшная ледзяная вада? Людзям эксклюзіўнай прафесіі. Такіх на ўсю краіну крыху больш за сто. Заняткі для вадалазаў МНС у спецатрадзе "Зубр" ужо 5 гадоў праводзіць Андрэй Мінчукоў. Ведае, як падрыхтавацца да апускання. Але калядныя акунанні - штогадовая традыцыя для падпалкоўніка - зусім іншае. І тут дапамогуць некалькі парад ад прафесіянала.
Андрэй Мінчукоў, намеснік начальніка цэнтра вадалазна-выратавальнай службы РАСП "Зубр" МНС Беларусі:
Неабходна добра сябе разагрэць, магчыма, зрабіць невялікую зарадку. Можна трошкі прабегчыся. Акунуцца. У вадзе праводзіць не больш за адну хвіліну.
Але для кагосьці і гэтая хвіліна - непераадольныя выпрабаванні. А цёплая купель з асвячонай вадой - сёлетняе ноу-хау на Вадохрышча. Працуе на печцы і дровах. Ваду тут будуць награваць да 35 градусаў. Фактычна джакузі. У асноўным для дзяцей, каб далучыць да традыцыі, і тых, хто будзе суправаджаць іх. Акунуцца тут таксама змогуць людзі з абмежаваннямі па здароўі.
Цёплыя купелі: парушэнне традыцыі?
Усяго такіх эксперыментальных купеляў дзве: у сталіцы на выратавальнай станцыі "Дразды" і ў аграгарадку Ждановічы. Але, здавалася б, цёплая вада на Вадохрышча ў нашай свядомасці - гэта нешта па-за канонамі. Ці не страчваецца сутнасць усёй традыцыі, і наогул - ці абавязковы такі "подзвіг веры"? На гэтыя пытанні адказалі святары.
Протаіерэй Аляксей Васін, клірык Усіхсвяцкага прыходу (г. Мінск):
Калі мы гаворым аб традыцыі акунання ў пельку на Русі, мы павінны памятаць, што Гасподзь хрысціўся ў Іардане. А я б зараз сам з задавальненнем, скажам, пры тых умовах надвор’я штодня б купаўся ў Іардане. Але вось скокнуць у пельку не кожны рызыкне. Тут ужо трэба звярнуць увагу на нейкія моманты здароўя, крэпасці сіл: і духоўных, і фізічных.
Вада, згодна з біблейскімі пісаннямі, сама па сабе носьбіт духу святога. Таму яе тэмпература, як і традыцыя акунання, якая афіцыйна не лічыцца царкоўнай, з'яўляецца другаснай. Куды больш важныя думкі і ўласная вера. І, вядома, бяспека. Акунацца толькі ў абсталяваных пельках. У сталіцы ёсць 3 такія іардані. Там і ратавальнікі, і медыкі. У дадатак, раздзявалкі і лазні.
Бяспека на Вадохрышча
Для тых, хто акунаецца першы раз, ёсць некаторыя рэкамендацыі. Па-першае, ні ў якім разе не скакаць у купель, не апускацца з галавой, каб не выклікаць спазмы сасудаў. Па-другое, патрэбны гумовы абутак для таго, кааб падчас акунання або спускання па лесвіцы не траўміравацца. Таксама не варта заходзіць у ледзяную ваду цяжарным і людзям з хранічнымі захворваннямі. І калі выконваць правілы, Вадохрышча сапраўды стане светлым святам.
#крещенскиеморжи2023
Напярэдадні Вадохрышчы аздараўленчы чэлендж запускае Белтэлерадыёкампанія. Каб стаць удзельнікам, трэба акунуцца ў пельку і размясціць фота або відэа ў сацсетках з хэштэгам #крещенскиеморжи2023. Там жа пад пастом адзначыць афіцыйныя акаўнты медыяхолдынга. Аўтары самай залайканай публікацыі атрымаюць прызы: ручнік і тэрмакубак ад БТ.
