Уборачная кампанія сёлета была на асаблівым кантролі кіраўніка дзяржавы, надглядных і кантралюючых органаў. І, здавалася б, праверка на выканаўчасць, аператыўнасць і якасць аграрыямі амаль пройдзена. Але наперадзе яшчэ больш складаны іспыт - зімовы перыяд. Пракуроры і тут трымаюць сітуацыю на кантролі. Важна не дапусціць страт сельскагаспадарчай прадукцыі. Аналіз Генпракуратуры паказаў, што практычна ў ста працэнтах выпадкаў прычынамі падзяжу жывёлы з'яўляюцца парушэнні ўмоў утрымання, кармлення і абумоўленыя гэтым захворванні. Як правіла, такія праблемы ёсць у кожным рэгіёне. Сёлета за парушэнні ў сферы жывёлагадоўлі пракурорамі ў адрас службовых асоб, кіраўнікоў сельгасарганізацый унесена больш чым 2 тысячы актаў надгляду. Як справіліся са сваімі праблемамі прадпрыемствы, раскажа Аляксандр Камовіч (відэа).
