Гісторыкі і культуролагі плануюць у маі разгледзець і ўключыць стравы Беларусі з цёртай айчыннай бульбы ў спіс гісторыка-культурных каштоўнасцей Беларусі
Адна майская традыцыя, вельмі характэрная для беларусаў - замест адпачынку адпраўляцца на свой дачны кавалак зямлі. Час разрыхліць яе для бульбы, каб потым на кожным беларускім стале была абавязкова наша гісторыка-культурная каштоўнасць. Маштаб мы дакладна не перабольшылі. Гісторыкі і культуролагі плануюць ужо ў маі разгледзець і ўключыць стравы з нашай цёртай айчыннай бульбы ў спіс гісторыка-культурных каштоўнасцей Беларусі.
Усяго там сёння 156 прызнаных "праяў творчасці" разам з практыкамі саломапляцення, падрыхтоўкай у печы рыбы на саломе, мясцовымі абрадамі. Увогуле ўсё, што спрадвечна беларускае і мае рызыку знікнуць.
Ці знойдзены рэцэпт ідэальных дранікаў? Што робіць немудрагелісты блін брэндам краіны? І ці прыдумалі навукоўцы ідэальную бульбу для іх? Пакуль вы яе саджаеце, Лідзія Заблоцкая адправілася капаць той самы "ядомы каштоўны метал".