Садзейнічанне бізнесу, жыллёвыя і зямельныя спрэчкі, падтрымка таленавітай моладзі. З самымі вострымі жыццёвымі пытаннямі беларусы сёння звярнуліся ў Адміністрацыю Прэзідэнта. Яе кіраўнік Наталля Качанава правяла асабісты прыём грамадзян.
Па вырашэнне сваіх праблем людзі могуць прыехаць з любога рэгіёна Беларусі. Пачуць кожнага і разабрацца ў сітуацыі - такое даручэнне кіраўнік Адміністрацыі дала ведамствам і міністэрствам, мясцовай вертыкалі ўлады. Яны будуць на сувязі з кожным, хто звярнуўся, і прадоўжаць інфармаваць, як вырашаецца тая ці іншая праблема. За кожнай гісторыяй і агульныя напрамкі будучай работы. У прыватнасці, Наталля Качанава даручыла міністэрствам адукацыі і культуры разгледзець магчымасць павелічэння месцаў для адораных дзяцей у профільных установах адукацыі. Падтрымка таленавітай моладзі ў дзяржпалітыцы - адзін з найважнейшых прыярытэтаў, адзначыла кіраўнік Адміністрацыі Прэзідэнта. Асабісты кантакт прадстаўнікоў улады з насельніцтвам - запатрабаваная форма працы. Яна дазваляе вырашыць пытанні, што хвалююць людзей, ацаніць працу мясцовай улады. Чарговую сустрэчу Адміністрацыя Прэзідэнта правядзе пазаўтра, 12 ліпеня.
