Мінскі аўтамабільны завод узводзіць новы корпус, які дазволіць павялічыць вытворчыя магутнасці да 3 тыс. адзінак аўтобуснай тэхнікі за год. Будаўнічую пляцоўку праінспектаваў мэр беларускай сталіцы Уладзімір Кухараў. Праект рэалізуюць у тым ліку пры падтрымцы інавацыйнага фонду Мінгарвыканкама (а гэта больш чым 70 млн рублёў). На месцы старых будынкаў прадпрыемства ўзводзяць новыя карпусы. Новы аўтобусны завод пачне працаваць ужо праз год.
Мінскі аўтазавод развівае вытворчасць і на сваёй новай пляцоўцы ў Жодзіне. Тут могуць вырабляць да 300 адзінак электратранспарту за год. Значную частку экспартуюць у рэгіёны Расіі.
