Міністэрства аховы здароўя Беларусі праводзіць анлайн-апытанне аб працы электронных рэцэптаў. Выказаць сваё меркаванне можна на сайце ведамства да 22 лістапада. У спісе - 21 пытанне. Тэст дазволіць даведацца стаўленне беларусаў да лічбавай рэфармацыі Міністэрства аховы здароўя. Падзяліліся ўжо сваім меркаваннем паўтары тысячы чалавек. У асноўным водзывы станоўчыя. І гэта нядзіўна, паколькі тры з паловай мільёны беларусаў перайшлі з папяровага рэцэпта на электронны.
Віктар Сідарэнка, загадчык сектара праграмна-інфармацыйнага забеспячэння Міністэрства аховы здароўя Беларусі: "У гарадскіх населеных пунктах, абласных цэнтрах, у горадзе Мінску і вядучых НПЦ рэспублікі гэтая сістэма ўкаранёная. На наступны год мы ставім задачу аб укараненні сістэмы ў сельскай мясцовасці, але толькі там, дзе гэта неабходна".
У адной са сталічных паліклінік хутка стартуе пілотны праект: для пацыентаў з хранічнымі захворваннямі з'явіцца магчымасць атрымаць рэцэпт без візіту да ўрача - па відэасувязі. З часам такая сістэма распаўсюдзіцца па ўсёй Беларусі.
Міністэрства аховы здароўя праводзіць анлайн-апытанне аб працы электронных рэцэптаў
19 ноября 2019
