Рыхтуюцца да спартыўнай падзеі не толькі хакеісты і аматары спорту. Мінскія прадпрыемствы да ЧС пашырылі асартымент. У гандлёвай сетцы сталіцы ўжо з'явілася распрацаваная да чэмпіянату інавацыйная снэкавая прадукцыя. На прылаўках мінскіх магазінаў стане больш хлебнай прадукцыі ва ўпакоўцы з нацыянальным каларытам. Дадаткова адкрыюцца сезонныя кафэ больш як на 20 000 пасадачных месцаў. Распрацаваныя спецыяльныя меню.
Створаць дзве фан-зоны каля Мінск-Арэны і Чыжоўка-Арэны і тры зоны гасціннасці: каля Палаца спорту на праспекце Пераможцаў, Мінскага лядовага палаца і комплексу Студэнцкая вёска. Акрамя таго, каля Палаца спорту на працягу двух тыдняў чэмпіянату з 11 да 23 гадзін будуць працаваць кірмашы народных і мастацкіх промыслаў.
