Паніжэнне вышыні бардзюраў, нанясенне дадатковай разметкі, выдзяленне асобных веладарожак. Мінск працягвае развіваць інфраструктуру для экатранспарту. Адміністрацыя горада і прадстаўнікі веласіпеднага грамадства займаюцца распрацоўкай турыстычных веламаршрутаў па памятных і самых маляўнічых месцах сталіцы, з'яўляюцца новыя зялёныя паркоўкі і месцы для захоўвання веласіпедаў. Акрамя таго, Мінск стане часткай еўрапейскай веламагістралі.
Стартаваў сезон і для гарадскіх карыстальнікаў кікшэрынгу. Электратранспарт у пракат калясіць на вуліцах сталіцы. У штохвілінную арэнду можна ўзяць самакаты звычайныя і павышанай праходнасці, а таксама камфортныя веласіпеды на батарэях.
