Міністэрства абароны дало растлумачэнне з нагоды СМС-павестак. Закон "Аб воінскім абавязку і службе" прадугледжвае магчымасць рассылання іх ваенкаматамі. Гэта распаўсюджаная ва ўсім свеце практыка, галоўная яе перавага - зручнасць, аператыўнасць і даступнасць.
Фактычна СМС-паведамленні стануць дадатковым каналам абвяшчэння, павестка па-ранейшаму застанецца асноўным, заявілі ў ваенным ведамстве.
У Мінабароны таксама падкрэслілі, што за нез'яўленне па павестцы, як і раней, прадугледжана адміністрацыйная і крымінальная адказнасць.