Будучыню месяцавай арбітальнай станцыі і пілатуемых палётаў на Марс абмяркуюць у Мінску каля 90 касманаўтаў з усяго свету. XXXI Міжнародны кангрэс асацыяцыі ўдзельнікаў касмічных палётаў адкрыецца 10 верасня ў комплексе "Белэкспа". Самыя шматлікія дэлегацыі - з Расіі, ЗША, Германіі і Нідэрландаў. Астранаўтаў у беларускай сталіцы чакаюць разам з сем'ямі.
Навукоўцы будуць не толькі гаварыць аб касмічным сённяшнім дні і будучыні. Дарэчы, зараз беларусы вядуць з Кітаем перамовы наконт стварэння сумеснага касмічнага спадарожніка, а таксама распрацоўваюць новы апарат дыстанцыйнага зандзіравання Зямлі сумесна з расіянамі. Эскізны праект будзе гатовы ўжо да снежня. Адзін з напрамкаў касмічнай дзейнасці Беларусі - і стварэнне нанаспадарожніка для вучэбнага працэсу. Яго плануюць запусціць напрыканцы гэтага - у пачатку 2019 года. Звесткі з апарата будуць паступаць у лабараторыі для рэалізацыі розных навуковых праектаў выкладчыкаў і студэнтаў.
