Прылада ўзарвалася ў руцэ мужчыны, у выніку ён атрымаў траўмы, несумяшчальныя з жыццём. Як стала вядома, загінуўшы - 33-гадовы жыхар горада Мінска. У свой час ён быў асуджаны і адбываў пакаранне за забойства чалавека.
Агрэсія і правакацыі
У Мінску адбылося яшчэ некалькі жорсткіх сутыкненняў паміж удзельнікамі беспарадкаў і праваахоўнікамі. Мітынгоўцы кідалі ў супрацоўнікаў міліцыі бутэлькі, кавалкі тратуарнай пліткі, а таксама абстрэльвалі феерверкамі.
У сваю чаргу вартавыя парадку рабілі ўсё магчымае, каб уціхамірыць агрэсіўна настроеных людзей. Яшчэ адным месцам, дзе напярэдадні прайшлі масавыя беспарадкі, стала пляцоўка перад гандлёвым цэнтрам "Рыга". Там дэманстранты ўзвялі барыкады. Адзначым, што менавіта з такіх канструкцый стаў разрастацца ў свой час украінскі майдан, які закончыўся трагедыяй для ўсёй краіны. Беспарадкі прайшлі і ў іншых гарадах краіны. У выніку пацярпеў 21 супрацоўнік органаў унутраных спраў, 5 з іх шпіталізаваныя. Сцэнарый беспарадкаў ва ўсіх выпадках быў прыкладна аднолькавы. Каардынатары настройваюць мітынгоўцаў на правакацыі, затым узводзяцца барыкады, пасля чаго пачынаюцца сутыкненні з міліцыяй. Ляцяць камяні, тратуарная плітка і нават смеццевыя бакі. Як каардынуюцца дзеянні мітынгоўцаў з-за мяжы і ўнутры краіны, не ўтойваючы, распавядаюць праваахоўнікам удзельнікі беспарадкаў.
Паводле слоў праваахоўнікаў, а таксама жыхароў адразу цэлага шэрагу гарадоў, у якіх адзначаны беспарадкі, у іх населеных пунктах назіраецца незвычайны збор аўтамашын з расійскімі нумарамі, заўважаны маладыя людзі з яўна ўкраінскім акцэнтам. Тое, што замежныя грамадзяне прымаюць непасрэдны ўдзел у беспарадках, пацвярджаюць і кадры, што далі праваахоўныя органы. Сярод затрыманых і грамадзяне Расіі. У гэтыя хвіліны мы атрымліваем відэа з паказаннямі гэтых людзей, абавязкова ўсё гэта будзе ў нашых наступных выпусках навін.
Следчы камітэт узбудзіў 21 крымінальную справу
Праваахоўнікі паведамляюць, што сярод затрыманых вялікая колькасць асоб з багатым крымінальным мінулым. Яны стаяць на чале вулічных беспарадкаў, уцягваюць у супрацьпраўную дзейнасць людзей вельмі маладога ўзросту, якія лёгка паддаюцца ўплыву і настроены вельмі агрэсіўна. Праваахоўнікі і медыкі пацвярджаюць, што многія затрыманыя знаходзіліся ў стане алкагольнага і нават наркатычнага ап'янення.
Следчы камітэт чарговы раз заклікаў грамадзян не паддавацца на правакацыі арганізатараў беспарадкаў. Санкцыі па некаторых артыкулах за іх прадугледжваюць пакаранне да 15 гадоў пазбаўлення волі.
СК: Аўто, якія блакіруюць транспарт, будуць канфіскоўвацца ва ўладальнікаў
Следчы камітэт звярнуў увагу, што аўтамабілі, якія выкарыстоўваюцца для блакіравання транспарту ў гарадах, з'яўляюцца прыладамі злачынства. Такім чынам, гэтыя машыны будуць канфіскоўвацца ва ўладальнікаў і прызнавацца рэчыўным доказам. СК ужо ўзбудзіў 21 крымінальную справу па фактах масавых беспарадкаў і насілля ў дачыненні да супрацоўнікаў органаў унутраных спраў у ноч з 9 на 10 жніўня ў Мінску і іншых гарадах краіны. Па падазрэнні ва ўчыненні злачынстваў затрыманы звыш 80 чалавек. Большасць іх іх маладыя людзі ва ўзросце 20-25 гадоў.
Святлана Ціханоўская пакінула Беларусь
Стала вядома, што экс-кандыдат у Прэзідэнты Святлана Ціханоўская пакінула межы Беларусі і выехала праз пункт пропуск "Катлоўка" ў 3:30 раніцы. Яна знаходзіцца ў Літве. І сёння ў інтэрнэце з'явіўся зварот Ціханоўскай, у якім яна заклікае не супрацьстаяць міліцыі і не выходзіць на плошчы.У інтэрнэце з'явіліся навіны аб нібыта спыненні некаторых прадпрыемстваў і забастоўках на іх. Такія факты не пацвярджаюцца. Інфармацыя ўкідваецца на тэлеграм-каналах арганізатараў беспарадкаў, за забастоўкі выдаюцца сустрэчы кіраўніцтва прадпрыемстваў і арганізацый з калектывамі. Нашы карэспандэнты працуюць у тым ліку і на іх, мы абавязкова пра гэта і пра іншыя падзеі распавядзём у нашых наступных выпусках навін.
