У Беларусі выбралі лепшы праект па арганізацыі шостага школьнага дня. Рэспубліканскі конкурс сабраў разам педагогаў, навучэнцаў, творчыя калектывы, прадстаўнікоў валанцёрскіх атрадаў і моладзевых клубаў.
Пераможцам у намінацыі "У імя міру і стваральнай працы!" стаў праект з Гродзенскай вобласці. Ён прысвечаны памяці ахвяр генацыду беларускага народа ў гады Вялікай Айчыннай. Гэтая ж праца атрымала і спецпрыз - пуцёўку ў аздараўленчы цэнтр "Зубраня".
Праект аб сям'і 1-й сталічнай гімназіі стаў лепшым у намінацыі "Шосты дзень - заўсёды ў модзе"! А слуцкі Цэнтр дзіцячай творчасці забраў узнагароду ў намінацыі "Шосты дзень - ад ідэі да ўвасаблення".
У шосты школьны дзень праводзіцца праца не толькі з навучэнцамі, але і бацькамі. Сёння набірае абароты такі праект, як "Бацькоўскі ўніверсітэт". Мамы і таты могуць далучыцца да адукацыйных мерапрыемстваў і пры неабходнасці пракансультавацца з педагогам-псіхолагам або сустрэцца з класным кіраўніком.
