На вадаёмах сталіцы і вобласці ідзе падрыхтоўка купеляў да Вадохрышча. Так, у сталіцы акунуцца ў палонку можна на сямі станцыях у спецыяльна абсталяваных месцах. Працу яны пачнуць сёння ў 18:00.
Спецыялісты АСВОДа рэкамендуюць рабіць гэта ў арганізаваных купелях. Акрамя таго, да абраду неабходна рыхтавацца загадзя. Пры гэтым варта разумна ацэньваць свой стан здароўя. Медыкі раяць не акунацца людзям з хранічнымі захворваннямі сардэчна-сасудзістай і нервовай сістэмы.
Ілья Цвяткоў раскажа пра падрыхтоўку вадаёмаў да вадохрышчанскіх акунанняў.
Лакацыі для акунання рыхтуюць па ўсёй сталіцы. Усяго ў Мінску сёлета такіх кропак сем. З самага ранку спецыялісты праводзяць агляд святочных купеляў для таго, каб традыцыйны абрад гараджане змаглі выканаць бяспечна і з камфортам.
Да Вадохрышча па традыцыі падрыхтавалі спецыяльна абсталяваныя месцы на выратавальных пунктах. Далучыцца да аматараў зімовых акунанняў можна будзе на станцыях "Камсамольскае возера", "Цнянская", "Крыніца" і "Заслаўе-1". Крыху далей ад горада - "Пціч" і "Вяча".
АСВОД будзе несці ўзмоцненае дзяжурства, каб у марознае надвор'е аказаць пры неабходнасці дапамогу жыхарам горада. Стыхійных месцаў купання настойліва рэкамендуюць пазбягаць.
На вадохрышчынскіх лакацыях ужо адчуваецца асаблівая атмасфера. Падрыхтаваны зручныя сходы ў ваду, палаткі з абагрэвам для пераапранання, фуд-корты і лазні. Завяршаецца дэкаратыўнае афармленне купеляў.
Медыкі раяць не акунацца людзям з хранічнымі захворваннямі сардэчна-сасудзістай і нервовай сістэмы. Нават калі здароўе дазваляе здзейсніць абрад, то пасля абавязкова трэба сагрэць арганізм.
Акунуцца ўсе ахвотнікі змогуць ужо сёння пасля 18:00. Працаваць святочныя купелі будуць да 20 студзеня.
