Кіеў увёў пасутачны турыстычны збор, ён складзе ад 20 да 200 грыўняў

У сталіцы Украіны пачалі дзейнічаць новы турыстычны збор і правілы яго аплаты. Зараз пасутачную выплату будуць браць не толькі з пастаяльцаў гатэляў, але і з тых, хто пражывае ў хосталах, апартаментах і кватэрах. Яго памер за 24 гадзіны можа скласці да паўпрацэнта ад мінімальнай заработнай платы, што складае 21 грыўню для ўнутраных турыстаў. Іншаземцам прыйдзецца выкласці каля 200 грыўняў. Канчатковы памер збору павінна будзе прыняць Кіеўская гарадская рада.