Школьнае харчаванне - тэма, да якой не раз ужо вярталіся і журналісты, і кіраўніцтва краіны. Нягледзячы на гэта, асобныя парушэнні сустракаюцца і сёння. Належны парадак так і не наведзены. Напрыклад, у школьных сталовых Гомеля выяўлены лішкі дзясяткаў кілаграмаў прадуктаў.
Як паведамілі ў дзяржкантролі супрацоўнікі, якія праводзілі праверку, размова ідзе пра харчаванне, што павінна было пайсці на абеды навучэнцам. Але асобныя супрацоўнікі камбіната школьнага харчавання палічылі за лепшае не дакладваць у стравы прадукты. І гэта далёка не адзінае парушэнне.
Здымачная група Агенцтва тэленавін разам з супрацоўнікамі дзяржкантролю наведала некалькі школьных сталовых у розных гарадах краіны. Чым кормяць нашых дзяцей, куды знікаюць дзясяткі кілаграмаў сэканомленых прадуктаў, ці не пара нешта змяняць у арганізацыі школьнага харчавання. Поўная карціна, як сёння выглядае працэс падрыхтоўкі школьных абедаў, - у рэпартажы Юрыя Шаўчука (відэа).
