На карысць нашых аграрыяў працуюць машынабудаўнікі Мінскай вобласці. Так, прадпрыемства "Амкадар-Можа" рэалізуе новыя праекты - гэта выпуск мабільнай зернесушылкі "Ніва". Машына апрацоўвае 10 тон збожжа за гадзіну. Акрамя таго, на заводзе ў горадзе Крупкі выпускаюць сушылкі канвеернага тыпу, якія могуць апрацоўваць за гадзіну ўжо 30 тон зерня. Гэта рэалізацыя інвестыцыйнай праграмы "Адзін раён - адзін праект". У тэхнікі высокі экспартны патэнцыял. Новыя зернесушыльныя комплексы тэсціруюць у сельгаспрадпрыемствах Расіі.
Сёння прадпрыемства ў Крупках мадэрнізуюць, тут адкрываюць новыя цэхі. Усяго на заводзе працуюць больш за 320 чалавек.
